Lajme

Si ishin vrarë nëna dhe gjyshja e Lahi Brahimajt, tregon Daut Haradinaj

Deputeti i AAK-së, Daut Haradinaj, ka ndarë një rrëfim të rrallë e të rëndë, që lidhet me familjen e deputetit tjetër të kësaj partie, Lahi Brahimajt, me të cilin ka edhe lidhje familjare.

Haradinaj ka treguar përmes Facebook-ut se si janë vrarë nëna dhe gjyshja e Brahimajt në natën e 2 gushtit të vitit 1998 dhe si ishte bombarduar shtëpia e tyre nga forcat serbe.

“Natën e 2 gushtit të 98′, pas një beteje tepër të përgjakshme në Jabllanicë, diku rreth orës 12 të mesnatës kam arritë në shtëpinë e Dajës Lahi. I tërë fshati digjej, dukej sikur hëna po e ndriçon këtë fshat me ngjyrë të kuqe. Hyra në shtëpi pas një kohe të gjatë dyluftimi që natyrisht ishte triumf”.

“Në këndin e shtëpisë shumëkatëshe që ishte bombarduar dhe po digjej, nga flakët e djeg’jës e shof një trup të copëtuar njeriu, ajo ishte gjyshja ime, nëna e Lahiut, afër saj ishte edhe gjyshja e Lahiut. I ri dhe i pa përvojë që isha, përpos përvojës së luftës, i mblodha aq sa munda copat e gjyshës sime dhe gjyshës së Lahisë”, ka shkruar ai.
“Pasi u nisa me shumë ushtarë të njësive elitë, në dalje të shtëpisë e takova Lahiun dhe Nazmiun. Normalisht që ishte tejet e rëndë, ju drejtova të dyve:“Dajë na kanë ra hise kjo farë e keqe e duhet me u mbajtë të fortë se kemi hala punë me kry. Lufta vazhdoi deri në fund dhe prapë vazhdon.Vetëm ata që e kanë dhënë jetën e kanë kry luftën…Të tjerët vazhdojnë”.

Haradinaj këtë rrëfim e ka bërë në ditën kur Lahi Brahimaj ka konfirmuar se ka marrë ftesë nga Gjykata Speciale.

 

Artikuj të ndërlidhur

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Close
Close

Bllokuesi i reklamave është aktiv!

Ju lutem konsideroni të na ndihmoni duke çaktivizuar bllokuesin e reklamave